ភ្នំពេញ៖ ក្រសួងធនធនទឹក និងក្រសួងរ៉ែ កំពុងពង្រៀងផែនការការងារមេរយៈពេលវែងអភិវឌ្ឍន៍លើវិស័យថាមពលអគ្គីសនីដើម្បីធានាបានលើសន្តិសុខទឹកក្នុងការបញ្ជាទឹក ប្រើប្រាស់ទឹក និងគ្រប់គ្រងទឹកប្រកបដោយនិរន្តរភាព មានប្រសិទ្ធភាពខ្ពស់និងមានសមធម៌។

នៅក្នុងកិច្ចប្រជុំស្តីពីការរៀបចំផែនការមេអភិវឌ្ឍន៍លើវិស័យថាមពលអគ្គីសនី ពីឆ្នាំ២០២១-២០៤០ ជាមួយរដ្ឋមន្រ្តីក្រសួងរ៉ែនិងថាមពល លោក ស៊ុយ សែម នៅថ្ងៃទី១៧ ខែកម្ភៈ ឆ្នាំ២០២២ រដ្ឋមន្រ្តីក្រសួងធនធានទឹក និងឧតុនិយម លោក លឹម គានហោ បានធ្វើការគាំទ្រលើពង្រៀងផែនការការងារមេរយៈពេលវែងអភិវឌ្ឍន៍លើវិស័យថាមពលអគ្គីសនីនៃក្រសួងរ៉ែ និងថាមពល សោយស្នើឱ្យសហការណ៍ឲ្យបានគ្រប់ជ្រុងជ្រោយជាមួយនឹងក្រសួងធនធានទឹក និងឧតុនិយម ជាប្រចាំដើម្បីធានាបានលើសន្តិសុខទឹកក្នុងការបញ្ជាទឹក ប្រើប្រាស់ទឹក និងគ្រប់គ្រងទឹកប្រកបដោយនិរន្តរភាព មានប្រសិទ្ធភាពខ្ពស់ និងមានសមធម៌។

ក្រសួងទាំងពីរលើកឡើងថា គប្បីមានការសហការណ៍គ្នាក្នុងកម្រិតខ្ពស់ធ្វើការកសាងអាងទឹកឲ្យបានច្រើនក្នុងតំបន់អាងទន្លេទាំងប្រាំសម្រាប់ធ្វើការទប់ទល់នឹងបម្រែប្រួលអាកាសធាតុ និងបាតុភូតធម្មជាតិគ្រប់ប្រភេទទាំងអស់ឈានទៅបម្រើជីវភាពប្រចាំថ្ងៃរបស់ប្រជាពលរដ្ឋ និងបំពេញឲ្យតម្រូវការលើគ្រប់វិស័យប្រកបដោយសុវត្ថិភាពល្អប្រសើរ។

ជាមួយគ្នានេះ រដ្ឋមន្ត្រីក្រសួងធនធានទឹក កំពុងដឹកនាំ និងបញ្ជាផ្ទាល់ក្នុងកិច្ចសហប្រតិបត្តិការណ៍ជាមួយនឹងដៃគូរអភិវឌ្ឍក្នុង និងក្រៅប្រទេសទាំងអស់ធ្វើការអនុវត្តផែនការការងារវិនិយោគរយៈពេលវែងលើកិច្ចការអភិវឌ្ឍន៍គ្រប់គ្រោងវិស័យធនធានទឹក និងឧតុនិយម ក្នុងអាងទន្លេទាំងប្រាំខាងលើសម្រេចបានជាបណ្តើរៗតាមបេសកកម្ម និងចក្ខុវិស័យរបស់ក្រសួង តាមរយៈការគាំទ្រពីក្រសួងសេដ្ឋកិច្ច និងហិរញ្ញវត្ថុ៕